سرپل ولایتیده طالبان محلی رسمیلرینینگ اعلام قیلیشیچه، بو ولایتنینگ اوچ اولسواللیگیگه برق یېتکزیش لایحهسینینگ عملگه آشیریش ایشی باشلنگن.
سرپل ولایتیده طالبان ولایت مقامی تامانیدن نشر اېتیلگن معلوماتگه کۉره، اوشبو لایحه اساسیده، سرپل ولایتینینگ سانچارک، سوزمهقلعه و گوسفندی اولسواللیکلریگه برق یېتکزیلهدی.
بو حقده نشر اېتیلگن بیاناتنی بیلدیریشیچه، اوشبو لایحه ۱۳ میلیون ارزشگه اېگه بۉلیب، کېلهسی اوچ ییلگه قدر عملگه آشیریلهدی.
طالبان بو لایحه، مذکور گروهنینگ سوو و برق وزیری محمدیونس آخند و سرپل ولایتیده طالبان والیسی احمدشاه دیندوست حضوریده اۉتکزیلگن اوچرهشوو آرقهلی آچیلگنینی معلوم قیلدی.
دېمک، سرپلنینگ اکثریت جمعیتی اۉزبېکلر بۉلگن اوشبو اوچ اولسواللیک برق ایشلب چیقریش کېنگ امکانیتلری جملهدن سوو توغانلری قوریلیش شرایطلریگه اېگه بۉلیشیگه قرهمی حاضرگچه بو حدودلر اهالیسی برق بیلن تامینلنگن اېمس.
حاضر اهالی کۉپینچه برق احتیاجلرینی قویاش (سولر) آرقهلی تامینلهیدی.
