طالبلر عدلیه وزیرلیگینینگ معلوم قیلیشیچه، اوشبو گروهنینگ مخصوص محکمهسی قراریگه اساسن، کابل شهری ۱۶-ناحیهسیدهگی «الوخیل» قیشلاغیده جایلشگن ۸۴۱.۲۵۴ جریب یېرنی (امارتی) صفتیده تصدیقلنگن.
وزیرلیک بوگون (چهارشنبه،۹-ثور) اعلان قیلگن بیاناتیده «مرکزي زون باسیب آلینگن دولت یېرلری ایشلرینی کۉریب چیقیش بۉییچه مخصوص محکمه» حجتلر و دلیللرنی اۉرگنیب چیقیب، اوشبو یېرنینگ تۉلیق «امارتی» اېکنینی قرار قیلگنینی بیلدیرگن.
طالبان عدلیه وزیرلیگینینگ قۉشیمچه قیلیشیچه، مذکور یېر ایکّی کادستر بۉلهگیدن عبارت بۉلیب، یېرلرنی اېگهللب آلیش نینگ آلدینی آلیش و باسیب آلینگن یېرلرنی قَیتریش کمیسیونی اوّلراق اوشبو مسألهنی اۉرگنیب چیققن و ایشنی۱۷-مادّه اساسیده رسمي روشده مرکزي زون مخصوص محکمهسیگه یوبارگن.
بیاناتگه کۉره، محکمه ملکدارلر و کمیسیون حجتلرینی، یېر کادستری دفترلری همده تېگیشلی ادارهلردن آلینگن معلوماتلرنی تحلیل قیلیب، بو ایکّی یېر بۉلهگی دولت نامیگه رسمي رۉیخطدن اۉتگنینی انیقلهگن.
وزیرلیکنینگ یازیشیچه، محکمه برچه حجت و دلیللرنی کۉریب چیقیب، اوشبو یېر تۉلیق «امارتی» دېب تاپیلگن و او یېرلرنی اېگهللب آلیشنینگ آلدینی آلیش و باسیب آلینگن یېرلرنی قَیتریش کمیسیونیگه تاپشیریلگن.
طالبان بوندن بیر نېچه کون آلدین هم غربي کابلدهگی «امید سبز شهرچهسی» نینگ بیر مینگ ۵۰۰ جریبدن آرتیق یېرنی «امارتی» دېب اعلان قیلگن اېدی.
گروه افغانستانده قَیته حاکمیتگه کېلگنیدن بېری تورلی شهر و ولایتلرده یېرلرنی تېکشیریش جریانینی باشلهگن و بیر نېچته ییریک تورر-جای مجموعهلرینی «اېمیرلیک ملکی» دېب اعلان قیلگن. بیراق شهرچه اېگهلری طالبان سودلری ایش جریانیده اولر نینگ حجتلریگه یېترلیچه اعتبار بېرمهیاتگنینی و حجتلر عدالتلی همده خالص تېکشیریلمهیاتگنینی ایتیشماقده.
