طالبان نینگ «مهاجرلر معمالرینی کۉریب چیقیش کمیسیونسی» نینگ معلوم قیلیشیچه، تیناوون (جمعه، ۱۱-ثور) بېش مینگ۱۹۸ نفر مهاجر پاکستاندن چیقریلیب، افغانستانگه کیرگن.
کمیسیوننینگ ایتیشیچه، بو مهاجرلر ننگرهاردهگی تورخم، قندهاردهگی سپین بولدک و هلمنددهگی بهرامچه چېگره اۉتیش بندرلری آرقهلی افغانستانگه کیرگن.
شونینگدېک، کمیسیون شو کونی۳۱۵کیشی ایراندن هم چیقریلیب، افغانستانگه کیرگنینی بیلدیرگن.
قۉشیمچه قیلینیشیچه، بو شخصلر اسلام قلعه و پول ابریشم چېگره بندرلری آرقهلی مملکتگه قَیتگن.
سۉنگگی وقتلرده پاکستاندن افغانستانلیک مهاجرلرنی چیقریب یوباریش کوچهیگن بۉلیب، هر کونی مینگلب آدملر چیقریلیب، افغانستانگه قَیتریلماقده.
خلقارا انسان حقوقلری تشکیلاتلری اېسه پاکستان مهاجرلرنی چیقریشنی طالبان بیلن بۉلگن کېسکینلیکلردن کېین کوچهیتیرگنینی ایتیب، اۉزباشیمچهلیک بیلن حبسگه آلیش و مجبوري دېپورتلرنی تۉختهتیشگه چقیرماقده.»
