یقینده، افغانستانلیک تنیقلی اۉزبېک یازووچی دوکتورعزیزالله ارالنینگ «افغانستانده-نوایيشناسلیک» اثری آذربایجان تیلیگه اۉگیریلیب، مذکور اۉلکهنینگ پایتختی باکوده چاپدن چیقدی.
اوشبو اثر یازووچینینگ دوکتورلیک بۉییچه مونوگرافیک اثری بۉلیب، بیر ییل آلدین اۉزبېکستانده لاتین رسمالخطیده نشر اېتیلگن اېدی. حاضر اېسه اوشبو اثر آذربایجانلیک نوایيشناس خانم آلماز علوي بیننتووه آرقهلی آذربایجان تیلیگه اۉگیریلیب چاپ اېتیلدی.
مذکور کتابده، افغانستانده نوایيشناسلیکنینگ باشلنیشی، ترقیاتی، نوایينینگ افغانستانده چاپ اېتیلگن اثرلری، همده نوایيگه عاید اثرلر حقیده بهتفصیل معلوماتلر بېریلگن.
اوشبو اثرنینگ آذربایجانده چاپ اېتیلیشی نهفقط نوایينی چوقوراق تنیتیشگه خذمت قیلهدی، بلکه افغانستان بیلن آذربایجان اۉرتهسیدهگی ادبي کۉپریکنینگ پایدیوارینی مستحکملهیدی.
