بدخشان محلی منبعلرنینگ اۉزبېک تیوی گه ایتیشیچه، بو ولایتده طالباننینگ قرهمه-قرشیلیکلری دوام اېتر اېکن، طالباننینگ خوفسیزلیک و استخبارات ادارهلریدن ینه بیر هیات بدخشان بارگن.
ایتیلیشیچه، بدخشانگه ینگی بارگن هیات ترکیبیده طالبان استخبارات ادارهسینینگ اۉرین باسری تاجمیر جوادنینگ هم حضوری بار دیر.
ایتیلیشیچه، طالبان نینگ بو هیاتی جمعه فاتح ناملی ناراض قوماندانیگه قرشی حرکتلرنی باشقیریش مقصدیده بدخشان بارگن.
شو بیلن بیرگه، طالبان بدخشاننینگ دروازها حدودی اینیقسه نسی اولسواللیگیده حربی کوچلرنی جایلشتیرهیاتگنی ایتیلهدی.
بو شوندهی بیرحالده دیر که طالباننینگ باشقه بیر قنچه ییریک رسمیلری هم ایلگریدن بدخشانده حضوری بۉلگن.
عینی حالده، بیر منبع بدخشان ولایتینینگ کشم اولسواللیگیده بوگون طالبان رسمیلری اۉرتهسیده مجلس اۉتکزیلیشینی هم ایتهدی. بیراق حاضرگچه بو خصوصده تۉلیق معلومات موجود اېمس.
