اۉزبېکستان تشقی ایشلر وزیری بختیار سعیدوف، ایکس صحیفهسیده نشر قیلگن بیاناتیده، پاکستاننینگ اۉزبېکستاندهگی فوق العاده و مختار اېلچیسی اېتیب تعیینلنگن محمدمدثر تیپو جنابلریدن ایشانچ یارلیقلری نسخهلرینی قبول قیلگنیدن خبر بېردی.
بیاناتیده کېلیشیچه، اوشبو اوچرهشووده اۉزبېکستان و پاکستان اۉرتهسیدهگی استراتژیک شریکلیک مناسبتلرینی ینه-ده مستحکملش همده عالي درجهده اېریشیلگن کېلیشوولرنی ایزچیل عملگه آشیریش مسألهلری خصوصیده فکر المشتیریلگن.
اۉزبېکستان تشقی ایشلر وزیری شونینگدېک، بو مملکتده پاکستان اېلچیسی بیلن، استراتیژیک همکارلیکلرنی کېنگهیتیریش مسالهلرینی کۉریب چیققینی و اۉز-ارا سودا حجمینی آشیریشگه کېلیشیب آلگنینی بیلدیرگن.
ایتیش کېرهک که پاکستان و اۉزبېکستان سونگّی ییللرده علاقهلرینی کېنگهیتیریش اورینماقده دیر.
بو ایکّی مملکت شوندهی بیرحالده اۉز-ارا سودا حجمینی آشیریشده حرکت قیلماقده دیر که بو مملکتلرنی بیر-بیراوی بیلن باغلهیدیگن قوریقلیک اساسی یۉلی بۉلمیش طالبان حاکمیتیدهگی افغانستان بیلن پاکستان اۉرتهسیده کېلیشماوچیلیکلر موجود دیر.
اوشبو کېلیشماوچیلیکلر سبب، حاضر افغانستان و پاکستان اۉرتهسیدهگی سودا و ترانزیت یۉللری یاپیق قالماقده.
