محلي منبعلرنینگ معلوم قیلیشیچه، قندهار ولایتیده ایکّی یاش ییگیت ایشسیزلیک و آغیر اقتصادي معمالر سبب اۉز جانیگه قصد قیلیشگه اورینگن. اولردن بیری وفات اېتگن، ایکّینچیسی اېسه داکترلر سعی-حرکتی بیلن قوتقریب قالینگن.
منبعلرگه کۉره، حادثه تیناوون (شنبه، ۱۷-اسد) قندهار شهری نینگ سکّیزینچی ناحیهسیده صادر بۉلگن. ایکّی ییگیت زهر ایچیب اۉز جانیگه قصد قیلیشگه اورینگن و شوندن سۉنگ دولت شفاخانهسیگه آلیب باریلگن.
معلوماتلرگه کۉره، جان اسملی ییگیت دوالنیش جریانیده وفات اېتگن، ایکّینچی ییگیت اېسه داکترلرنینگ سعی-حرکتی بیلن امان قالگن.
منبعلرنینگ ایتیشیچه، هر ایکّی ییگیت اوزاق وقت دوامیده ایشسیز بۉلگن و شو سببلی جدّي اقتصادي قیینچیلیکلرگه دوچ کېلگن.
قندههاردهگی طالبلر محلي مسووللری حاضرچه اوشبو حادثه یوزهسیدن ایضاح بېرمهگن.
