طالبانگه قرشی ییریک سیاسی سیمالردن شکللنگن افغانستاننی قوتقریش اوچون ملی مقاومت کېنگشی اعضالری، آنلاین بیر ییغین اۉتکزیب، افغانستان احوالینی تیکشیردیلر.
طالبان حاکمیتی بېشینچی ییللیگی مناسبتی بیلن اۉتکزیلگن اوشبو آنلاین ییغینده، طالبانگه نسبتن قرشیلیکلر و بو گروه حاکمیتیدن سۉنگ افغانستان تقدیری خصوصیده تاکیدلهدیلر.
ییغین اشتراکچیلری، طالبانگه نسبتن قرشیلیکلر کېنگهییب بارهیاتگن و بو خصوصده بدخشانده دوام اېتهیاتگن وضعیتنی اېسلب، طالباندن سۉنگ افغانستان سیاسی تقدیری اوچون تیّارلنیشنی تاکید قیلدیلر.
اوشبو ییغینده، طالبانگه قرشی ییریک سیمالر جملهدن مارشال عبدالرشید دوستم، عبدالرب رسول سیاف، حاجی محمدمحقق، عطامحمد نور، سرور دانش و شونگه اۉخشش باشقه سیاسی و حربی سیمالر حضوری باردی اېدی.
بو سیمالر، طالبان سۉزلشووگه تیّار اېمسلیکلری و بو گروه حاکمیتیده بۉلگن افغانستان دنیا و منطقه اوچون تهدید بۉلیب و مملکت خلقارا آقیملردن اوزاقلنگنینی تاکید قیلدیلر.
بو شوندهی بیرحالده دیر که طالباننینگ افغانستانگه حاکمیتی بېش ییلگه تۉلدی و بو ییللر دوامیده طالبان خلقارا مشروعیتگه اېگه بۉلمهی حاکمیتلرینی دوام اېتتریب کېلماقده دیر.
بوندن تشقری، اوشبو حاکمیت برابریدهگی قرشیلیکلر خصوصیده سابق حکومت سیاسی سیمالری یاندهشوولریدن تنقیدلر تیلگه آلینگن.
