بوگون اسد آیینینگ ۲۸ – سی، افغانستان بریتانیادن مستقللیک آلگن کونی بیلن ماس دیر.
اوشبو مناسبت بیلن طالبان، افغانستان بویلب بوتون ادارهلرده عمومی رخصتی دېب اعلام قیلیب کېلماقده. بونگه قوشیمچه، طالبان بیر بیانات ترقهتیب، اوشبو کوننی هم تبریکلهگن.
افغانستان بوندن ۱۰۷ – ییل آلدین، بریتانیادن مستقللیگینی اعلام قیلگن بۉلسهده بیراق بو مملکت نینگ سیاستی و اوزگریشلری دایما تشقی کوچلر تاثیری آستیده قالیب کېلگن.
شونینگدېک، اوشبو ییللر دوامیده افغانستان دایمی تشقی یاردمگه محتاج بۉلیب کېلگن و حاکمیتدهگی قومی سیاستلر مستقل بیر دولت قوریلیشی و برچه خلقلر بیرخیل حاکمیتده سهم آلیشیگه یۉل قویمهگن.
اوشبو سیاستلر دوامی سبب افغانستانده هیچ قچان سیاسی عدالت اۉرتهگه کېلمهگن و بو اېسه تورلی خلقلرنینگ افغانستان حاکمیتیدن ناراضیلیکلری دوام اېتیشیگه سبب بۉلگن.
اوشبو معمالر، سونگّی بېش ییل دوامیده طالبان حاکمیتگه قیتیشی بیلن ینهده آغیرلشگن.
