طالبلرنینگ هلمند ولایتی امنیه قوماندانلیگی سۉزلاوچیسی ناصر احمد مهاجر بو ولایتده تۉرت کیشی سووگه چۉکیب، هلاک بۉلگنینی معلوم قیلدی.
مهاجرنینگ ایتیشیچه، بو شخصلر تیناوون (جمعه،۳۰اسد) ولایت نینگ تورلی حدودلریده هلمند دریاسیگه چۉکیب کېتگن.
اونینگ قۉشیمچه قیلیشیچه، قربانلر نینگ جسدلری تاپیلیب، عایلهلریگه تاپشیریلگن.
افغانستانده هوا حرارتینینگ کۉتریلیشی بیلن تورغون سوو حوزهلری و دریالرده چۉکیش حالتلری هم کۉپهیماقده.
کۉپ حاللرده یاشلر و اۉسمیرلر تورغون سوو حوزهلری و دریالرده سوزیش وقتیده قوتقروو واسطهلری بۉلمهگنی سببلی چۉکیب، هلاک بۉلماقده.
طالبلرنینگ طبيعي آفتلرگه قرشی کورهشگه تیارگرلیک ریاستی اعلان قیلگن عمومي آمارگه کۉره، جاري قویاش ییلی نینگ دستلبکی ایکّی یریم آییده۷۵ کیشی سووگه چۉکیش عاقبتیده هلاک بۉلگن.
