فیلیپین باجخانه باشقرمهسینینگ معلوم قیلیشیچه، افغانستاندن یوباریلگن یوک ایچیگه یشیریلگن قریب۴۳ کیلوگرام متآمفتامین یاکه «شیشه» مانیلا خلقارا کانتینری بندریده انیقلنگن.
باجخانه باشقرمهسی اوشبو مقداردهگی گیاهوند مادّه نینگ قیمتینی۲۹۲.۴ میلیون فیلیپین «پزو»یگه بهالهگن. رسميلرگه کۉره، مادّهلر متاع خلتهچهلرگه جایلشتیریلگن و تشقی کۉرینیشیدن تهلک تاشلریگه اۉخشهیدیگن قیلیب تیارلنگن.
فیلیپین باجخانه باشقرمهسی حساباتیده ایتیلیشیچه، یوک ایکّی دانه۲۰ فوتلیک کانتینردن عبارت بۉلیب، باجخانه حجتلریده «تلک تاشلری» صفتیده قید اېتیلگن.
تېکشیروو وقتیده خادملر متاع خلتهچهلر ایچیدن شبههلی مادّهلرنی انیقلهگن. خلتهچهلر گیپسگه اۉخشش مادّه بیلن قاپلنگن و یوک نینگ حجتلرده کۉرسهتیلگن ترکیبیگه ارهلشتیریب، یشیریش اوچون مخصوص تیارلنگن. نمونهلر لابراتوارده تېکشیریلگچ، اولرده متآمفتامین هیدروکلورای یاکه «شیشه» بارلیگی تصدیقلنگن.
رسميلرنینگ ایتیشیچه، اوشبو یوک افغانستان بیلن باغلیق بۉلگن و ۲۰۲۶-ییل ۱۰فبروری کونی عینِ بندرده اوشلنگن باشقه کانتېنرگه اۉخشش جهتلرگه اېگه. اۉشه کانتینر باجخانه حجتلریده «مرمر تاشلری» صفتیده کۉرسهتیلگن، بیراق اوندن قیمتی۲۷۲ میلیون«پزو» بۉلگن قریب 40 کیلوگرام گیاهوند مادّه تاپیلگن.
طالبلر افغانستانده حاکمیتنی قَیته اېگهلهگنیدن سۉنگ کۉکناری یېتیشتیریشنی صفر درجهگه توشیرگنینی و گیاهوند مادّهلر ایشلب چیقریلیشی همده ناقانوني سوداسیگه قرشی کورهشهیاتگنینی دعوا قیلیب کېلهدی.
