بیرلشگن ملتلر تشکیلاتی، افغانستانده عیاللر و قیزلرنی حقلریدن محروم بۉلگنی و اولرگه قرشی چېکلاولر دوام اېتیشیدن آگاهلنتیریب ایتیشیچه، اولرنی بیلیم و ایشلشدن محروم بۉلیشلری مملکت ترقیاتینی سلبی تاثیر آستیده قۉیماقده.
بو اداره ایکس اجتماعی ترماقلریده ترقتگن بیاناتیده تاکیدلشیچه، قیزلرنی مکتبدن محروم بۉلیشلری و عیاللر ایشلشدن محروم بۉلیشلری افغانستاننی اجتماعی و اقتصادی ترقیات ساحهلریده آرتگه سوریلیشیگه سبب بۉلماقده.
بیرلشگن ملتلر تکشیلاتی اوشبو پیامیده «افغانستان قیزلری بیلیم اۉرگنیشلریگه رخصت بېرینگ» هشتگیدن فایده لنیب، افغانستان قیزلری بیلیم اۉرگنیش حققه اېگه بۉلیشلرینی تاکیدلهدی.
۲۰۲۱- ییلده طالبان افغانستانگه حاکم بۉلگنیدن سۉنگ آلتینچی صنفدن یوقاری بۉلگن قیزلرنی مکتب باریشلرینی تۉختتدی، بو چېکلاولر اوندن سۉنگ بیلیم یورتلرده کېنگهیتیریلدی و عیاللر ایشلش و اجتماعی فعالیتلردن هم محروم بۉلدی.
