طالبان تشقی ایشلر وزیری امیرخان متقی، کابلدهگی روسیه اېلچیسی دیمیتری ژیرنوف بیلن اوچرهشگن.
طالبان تشقی ایشلر وزیرلیگی اوچرهشووده، ایکّی تامانلمه مناسبتلر و منطقهدهگی وضعیت حقیده فکر المشتیریلگنینی معلوم قیلگن.
شو بیلن بیرگه طالبان، بو اوچرهشووده منطقهده دوام اېتهیاتگن وضعیت سبب ایکّی تامان اۉرتهسیده علاقهلر دوام اېتیشی تاکیدلنگنینی هم بیلدیرگن.
روسیه، رقیبی امریکا قوشمه ایالتلری افغانستاننی ترک اېتگنیدن سونگ حکومتگه کېلگن طالبان بیلن یخشی علاقهده بۉلیب کېلماقده و بو گروهنی رسمیتگه تَن آلگن یالغیز مملکت دیر.
بو شوندی بیرحالده دیر که طالبان حاضرگچه باشقه هیچ بیر مملکت تامانیدن رسمیتگه تَن آلینمهگن و یقینده امریکا قوشمه ایالتلریگه افغانستان کانلریگه سرمایه کېریتیشی خصوصیده بیلدیرگن تکلیفی هم رد اېتیلدی.
