روسیه یېتکیرمهلری خبر بېریشیچه امریکا قوشمه ایالتلرینینگ وکیللری استیو ویتکاف و جرد کوشنر، بوگون شنبه مسکوگه یېتیب بارگن.
امریکا وکیللری بو سفریدن مقصد، اوکراین اوروشی یکونلنیشی مقصدیده بۉلگن مذاکرهلر قیته باشلنیشی اوچون روسیه رسمیلری بیلن صحبت قیلیش دېب ایتیلگن.
شونینگدېک امریکا وکیللری، روسیهدن سونگ اوکراینگه هم سفر قیلیشی رېجهلشتیرگن.
اوکراین رسمیلری، امریکا وکیللری حضوریده آتېش-کېسین تامینلنیشینی تکلیف قیلگنی ایتیلهدی. بیراق روسیه حاضرگچه بو تکلیفگه جواب قیترمهگن.
بو سفر شوندی بیرحالده دیر که اوکراین اوروشی یکونلنیشی اوچون بۉلگن اینتیلیشلر بیر نیچه آیدن بیری تۉختهتیلگن اېدی و شو مدت دوامیده امریکانینگ ایران بیلن اوروشی دوام اېتدی.
امریکا وکیللرینینگ بو دور سفری اوکراین اوروشی یکونلنیشی اوچون قنچهلیک اونملی تمام بۉلیشی هلی بیللی اېمس.
