«افغانستان آزادلیک جبههسی» طالبلر «خلقارا ترورچیلر» بیلن همکارلیکده بدخشان ولایتینینگ زیباک اولسواللیگیدهگی اوشبو جبهه قرارگاهلریگه هجوم قیلگنینی معلوم قیلدی.
اوشبو جبهه ایکسدهگی بیاناتیده هجوم تیناوون (دوشنبه، ۱۶-سنبله) صادر بۉلگنینی بیلدیرگن.
«افغانستان آزادلیک جبههسی» اۉز کوچلری طالبلر و «اولرنینگ خارجي اتفاقچی ترورچیلری» نینگ کېنگ کۉلملی هجومینی قطعي قرشیلیک کۉرسهتیش آرقهلی قَیترگنینی ایتگن.
جبههنینگ قۉشیمچه قیلیشیچه، قریب بیر ساعت دوام اېتگن تۉقنهشوودن سۉنگ طالبان تلفاتلر کۉریب، چېکینیشگه مجبور بۉلگن.
«افغانستان آزادلیک جبههسی» اۉز کوچلری آرهسیده تلفات بۉلمهگنینی، بیراق طالبلرنینگ تلفاتلری و یېتکزیلگن ضررلر مقداری حقیده حاضرچه انیق معلوماتگه اېگه اېمسلیگینی بیلدیرگن.
مذکور جبهه اوّل هم معین گروه نامینی تیلگه آلمهگن حالده، طالبلر اوشبو جبهه اعضالریگه قرشی هجوملرده «خارجي ترورچیلر» بیلن همکارلیک قیلهیاتگنینی دعوا قیلگن اېدی.
«افغانستان آزادلیک جبههسی» کوچلری بدخشان ولایتینینگ زیباک تومنیدهگی اَیریم حدودلرنی اېگهللب، قرارگاهلرده جایلشگنینی معلوم قیلماقده.
طالبلر سوزلاوچیسی ذبیحالله مجاهد رسانهلرگه بېرگن صحبتیده «افغانستان آزادلیک جبههسی» نینگ بدخشاننینگ زیباک اولسواللیگیده جایلشگنینی رد اېتیب، بو جبهه هېچ قندهی معین حدودنی اۉز نظارتیده اوشلب تورمهگنینی ایتگن.
