فاریاب ولایتیدن منبعلرنینگ اۉزبېک تیوی گه ایتیشیچه بو ولایت بیلیم یورتیده اۉزبېکچه یازوولی لوحهلرنی اۉچیریش جریانی ایکّی کون آلدیدن بېری باشلنگن.
منبعلرنینگ ایتیشیچه، اوشبو حرکتلر طالباننینگ فاریاب ولایتی بیلیم یورتیدهگی باشلیغی عبدالرازق شاکر بویروغی بیلن عملگه آشیریلگن.
منبعلر شونینگدېک، مولوی شاکر اوشبو قرار طالبان عالی اوقوو وزیرلیگی بوندن بیر ییل آلدین، بیلیم یورتلرگه یوبارگن مکتوبی اساسیده اۉزگرتیریلیشینی بویورگن.
اوشبو مکتوبده، طالبان عالی اۉقوو وزیرلیگی، بیلیم یورتلر لوحهلری پشتو، فارس و انگلیس تیللریده بۉلیشینی بویورگن اېدی.
اوشبو مکتوبدن سۉنگ، طالبان جوزجان و سمنگان ولایتلریدهگی لوحهلرنی المشتیردی و بو اېسە کېنگ ناراضیلیکلرنی کېلتیریب چیقرگندی.
طالبان بو ناراضیلیکلردن سۉنگ مذکور ایکّی ولایت لوحهلریده اۉزبېکچه یازوونی قیتریشگه مجبور بۉلدی.
