یقینده طالباننینگ مدافعه وزیرلیگینینگ یوقاری منصبدارلریدن لطفالله حکیمی، افغانستانده فقطگینه پشتو تیلی ملی تیل دېب بیلدیرگن فکرینی بیرانتهلر بیر شخصنینگ فکری دېیه بهالهدی، حاضر اېسه فاریابده کۉرسهتیلگن حرکت طالبان پشتو تیلی اوستون قیلیش حرکتلرینی نهفقط سۉزده بلکه عملده هم قۉلگه آلگنینی بیلدیردی.
طالبان بو حرکتلری بیلن، افغانستانده اۉزبېک تیلینی اۉزلریگه بیگانه بیلیب، بو تیلگه نسبتن دشمنانه حرکت قیلهیاتگنینی بیلدیرماقده دیر.
افغانستانده اۉزبېک تیلیگه نسبتن یامان رېجهلر طالبان تامانیدن بو بیرینچی مرته اېمس که قۉلگه آلینماقده بلکه بوندن آلدین هم شوندهی حرکتلر بجریلگن.
طالبان اوشبو حرکتلری بیلن، بو گروهنینگ ایچیدهگی اۉزبېک طالبلر و اولرنینگ طالبان اوچون قیلگن کورهشلرینی هیچ اعتبارگه آلمهگن.
طالبان اۉزبېک تیلی برابریدهگی بو سیاستلرینی شوندهی بیرحالده عملگه آشیرماقده دیر که بو گروه حاکمیتیده، اۉزبېک تیلی و مدنیتی هر ییل اۉتیشی بیلن کۉپراق و جدّیراق خواطرلی احوالگه توشیب قالیشی بیلدیریلدی.
