عدن خوفسیزلیک باشقیرمه‌سی مطبوعات اداره‌سی‌نینگ ایتیشیچه، بوگون اېرته‌لب (۱۵-میزان، چهارشنبه)، حوثیلر تامانیدن آتیلگن ایکّی راکته یمن‌ده عدن خلق‌ارا هوا قونالغه‌سینی نشان‌گه آلگن؛ بیراق حاضرگچه حادثه‌ده اۉلیب و یره‌لنگنلر حقیده معلومات ترقه‌تیلمه‌گن.
رویترز آژانسی‌نینگ گزارش بیریشیچه، عدن خلق‌ارا هوا قونالغه‌سی حوثیلر نظارتی‌دن تشقریده بولگن یمن حدودلری اوچون اساسی خلق‌ارا علاقه ایشیگی دیر.
بوندن آلدین سعودی عربستان باشچیلیگی‌ده‌گی اتفاق، حوثیلر آرقه‌لی سعودی عربستان‌نینگ جنوبی حدودی‌ده‌گی خمس مشیط شهری تامان اوچیریلگن بالستیک راکته‌نی توتیب، یوق قیلگنی‌نی معلوم قیلگن ایدی.
اوشبو اتفاق‌نینگ ایتیشیچه، راکته تهدیدلری حوثیلر نظارتی‌ده‌گی یمن پایتختی صنعا و شونینگدېک صعده و عمران ولایتلری‌دن کېلیب چیققن.
العربیه خبری ترماغی هم، یمن قانونی دولتی‌نینگ وقتینچه‌لیک پایتختی عدن ده پارتلشلر سیسی ایشیتیلگنی‌دن خبر بېرگن. دست‌لبکی گزارشلر گه کۉره، عدن خلق‌ارا هوا قونالغه‌سی حوثیلر آرقه‌لی ایکّی‌ته راکته بیلن نشان‌گه آلینگن.
