کانادا باش‌وزیری اداره‌سی‌‌نینگ اعلام قیلیشیچه، بو مملکت باش‌وزیری مارک کارنی ۲۱-اکتبردن ۲۳-اکتبرگچه تورکیه پایتختی انقره و استانبول شهری‌گه سفر قیله‌دی. مذکور بیانیه اساسیده، بو کانادا با‌ش‌وزیری‌نینگ تورکیه‌گه بیرینچی رسمی سفری حساب‌لنه‌دی.
ایتیلیشچه، کارنی انقره ده تورکیه جمهور باشلیغی رجب طیب اردوغان بیلن اۉچره‌شیب، انرژی، کانلر، اقلیم، مدافعه و خوفسیزلیک ساحه‌لری‌ده ایکّی تامانلمه علاقه‌لر مستحکم‌لنیشی حقیده صحبت قیله‌دی.
شونینگدېک کارنی استانبول ده تورکیه سرمایه یاتقیزووچیلری بیلن اۉچره‌شیب و کانادا ده تورکیه‌نینگ کوپراق سرمایه یاتقیزیشی‌گه شرایط یره‌تیلیشی مقصد سعی‌وحرکت قیلیشی ممکن.
کارنی اداره‌سی‌گه کۉره، مذاکره‌نینگ اساسی موضوعلری انرژی، رواجلنگن تخنیکلر، کان و مهم فایده‌لی قازیلمه‌لر کبی ساحه‌لرده سودا و سرمایه یاتقیزیلیشی‌نینگ کېنگه‌یتیریشدن عبارت بۉله‌دی.
او، کیله‌سی اون ییل ایچیده کانادا‌نینگ امریکادن باشقه مملکتلر بیلن سودا حجمی‌نی ایکّی برابر آشیریش‌گه وعده بېرگن. کارنی حکومتی شو مقصد‌ده چین و هندوستان کبی دولتلر بیلن اقتصادی علاقه‌لرنی هم کینگه‌یتیریش‌گه حرکت قیلماقده.
