میلادی 1992- ییل 3- دسامبر کونی دنیا ده تکنالوژی رواجله‌نیشی تاریخیده مهم واقعه یوز بېردی. شو کونی دنیاده‌گی بیرینچی (اس‌ام‌اس) خبر یوباریلدی. کیینچه‌لیک کینگ ترقه‌لگن قیسقه متنلی خبر اۉزه‌تیش امکانیتی ایسه تاریخ ده مهم اهمیت کسب اېتدی.
بونده‌ی خذمت نی یره‌تیش غایه‌سی اوتگن عصر 80- ییل‌لری اۉرته‌سیده خلق‌ارا مبایل استندرد گروهی (GSM) بۉییچه ایش آلیب باریله‌یاتگن پیتده ایجاد بۉلگن. مذکور پروژه چهارچوبه‌سیده اروپالیک مهندسلر، اروپاده‌گی تورلی مملکتلرنینگ تورلی شرکتلر نماینده‌لری قیسقه پیام رواجله‌نیشی و عملی اېتیلیشی اوچون سعی و حرکت قیلیب کیلماقده اېدیلر.
SMS اۉزبیکچه ده قیسقه پیاملر خذمتی نی اَنگلَته‌دی.
میلادی 1984- ییلده اوشبو پروژه خصوصیده ایش آلیب باره‌یاتگان آلمان مهندسی فریدهلم هیلبراند، برنارد گیلبرت، نروژیه‌لیک عالم فین تروسبی و شونینگدیک کوین هالی و ایان هریس موفقیت گه اِیریشدی. قیسقه پیام یوباریش توغریسیده کوپ وقت ایش قیلیب کیلینگنی نتیجه‌سیده، میلادی 1992- ییل 3- دسامبر کونی بریتانیا ده مهندس نیل پاورت تامانیدن بیرینچی (SMS) کمپیوتردن موبایل تلیفون گه یوباریلدی.
بو پیام ایسه ایکی کلمه دن عبارت بۉلگن قۉتلاو پیامی اېدی. کریسمس مبارک!
