اوشبۉ کوره‌ش جارې ییل قوس آیی‌نینگ 20 سې، پایتخت کابل‌ده اۉتکزېلیشې کوتېله‌یاتکن بېشینچی دور اۉغلاغ لیگ‌گه تیارگرلیک اوچون یۉلگه قوییلگنی اېتیله‌دې.
مذکور ایکې کونلیک کوره‌شده سمنگان ولایتې‌نینگ اوغلاچېلریگه قۉشېمچه قۉشنی بلخ و بغلان ولایتلریدن هم اۉنلرچه چاپندازلر قتنشگن.
اۉغلاغ بیلله‌شۉی افغانستان شمالی ولایتلرې و اۉرته آسیا مملکت‌لرېده رواجلنگن ایسکی اۉیېنلردن حسابلنه‌دی. سۉنگې یېللرده اوغلاغ بیلله‌شۉې اۉلکه بویلب ملی بیر اویېنگه ایله‌نېب، مینگلرچه عشقبازلرنی اۉزیگه تارتکن.
شو یوزدن افغانستان سپورت و بدن تربیه‌لاوچې عمومی ریاستې المپیک اویینلری یانېده هر ییلی پایتخت کابل‌ده بویوک اۉغلاغ کوره‌شېنی یۉلگه قویه‌دی.
اۉتکن ییل‌گې اوغلاغ کوره‌شلرېده مملکت بویلب قتنشگن برچه ولایتلرنینگ اوغلاغچېلری ایچیده سمنگان ولایتې‌نینگ چاپاندازلرې بیرېنچې اۉرېن یا قهرمانلیک کپ نې قازانگن اېدی.
