فلسطین ساغلیق نی سقلش وزیرلیگی سوزلاوچیسی اشرف القدره نینگ ایتیشیچه، غزه‌ده اسراییل حربیلری‌نینگ آواره‌لر کمپی اوستیگه اویوشتیرگن هوایی هجومیده، کمیده 70 کیشی اۉلگن.
القدره، 24- دسامبر یکشنبه کېچه بیر بیانیه ترقه‌تیب، مذکور هوایی هجوم غزه مرکزیده ییرلشگن «المغازی» کمپی اوستیگه اویوشتیریلگنینی بیلدیرگن.
اونگه کۉره، اوشبو هجومده قربان بۉلگنلر رقمی دستلبکی دیر و بو رقم آرتیشی ممکن.
القدره نینگ کۉپه‌یتیریشیچه: «المغازی کمپی‌ده یوزبېرگن واقعه، قیرغین دیر که یشش بیر محلده یوزبېرگن.»
مذکور هجومده بیر یشش بنا بوتونلی نابود بۉلگن. رویترزنینگ گزارشی اساسیده، اوشبو حادثه قربانیلری‌نینگ کۉپی باله‌لر و کېکسه عیاللر دیر.
عین‌حالده، اسراییل حربیلری بو حادثه‌نینگ تېکشیریش نی اعلام قیلگن.
غزه نی باشقرودیگن حماس، اوشبو هوایی هجوم نی «دهشتلی قیرغین» دېب و ایتیشیچه، بو «ینگی اوروش جنایتی» دیر.
اَیتیش کېره‌ک که، فلسطین ساغلیق نی سقلش وزیرلیگی تامانیدن نشر اېتیلگن سۉنگگی معلومات اساسیده، اسراییل‌نینگ غزه گه هجوم قیلگنیدن بویان 20 مینگ و 400 دن آرتیق کیشی اۉلیب و 54 مینگ و 36 کیشی اېسه یره‌لنگن.
