منبعلردن قطاری، پریسا آزاده‌نینگ حبس‌دن آزاد اېتیلگنینی ادعا قیلماقده‌لر. عین حالده، عیاللر حقلری فعاللریدن بیری هدا خموش، نېچه دقیقه آلدین اکس اجتماعی ترماغیده خانم آزاده‌نینگ رسمینی ترقه‌تیش بیلن، اونینگ آزاد اېتیلگنیدن خبر بېردی.
هدا خموش‌نینگ یازیشیچه: «پریسا آزاده عیاللرگه قرشی گروه تامانیدن 41 کون قیناققه سالینگنیدن کېین، بوکون آزاد اېتیلدی.»
خانم آزاده طالبان تامانیدن قوییب یوباریلگن بیرحالده، اعتراضچی عیاللردن بیری منیژه صدیقی حاضر هم مذکور گروه‌نینگ توتقونیگه دیر. منیژه صدیقی 17- میزان کابلدن اوشلب آلینگن اېدی.
طالبان سۉنگگی کونلرده شونینگدېک باشقه ایکی اعتراضچی عیال، ژولیا پارسی و ندا پروانی هم آزاد قیلگن اېدی.
طالبان مذکور عیاللرنینگ قولگه آلینیب و حبس اېتیلگنی توغریسیده هیچ بیر نرسه دېمه‌یدی، بیراق کۉرینشچه، اوشبو عیاللر اعتراض و دادخواهلیک قیلگنلری اوچون حبس اېتیله‌دی.
