طالبان برق شرکتی‌نینگ اجرایی رئیسی محمدحنیف حمزه و تاجیکستان سهامی برق شرکتی باشلیغی محمدعمر عسازاده آره‌سیده برق ساتیب آلیش کېلیشووی امضالنگن.
مذکور کېلیشوو ترکیه‌ده امضالنگن و طالبان اېسه میلادی 2024- ییل تاجیکستان‌دن برق ساتیب آلیشی ممکن.
مذکور اوچره‌شووده، شونینگدېک ایکی تامان تاجیکستان‌دن افغانستان گه 500 کیلوولت برق انتقال بېره‌دیگن ینگی لین تمدید اېتیلیشی حقیده سوزلشگن.
افغانستان برق شرکتی 6- جدی چهارشنبه کونی بیر خبر ترقه‌تیش بیلن، تاجیکستان اوشبو برق لینی اوزه‌تیلیشی خصوصیده قیزیققنی اعلام قیلدی.
اوشبو شرکت‌نینگ خبرنامه‌سیده کېلیشیچه، شونینگدېک افغانستان برق شرکتی تاجیکستان دن کاسا 1000 پروژه‌سی قیته‌دن باشله‌نیشی و تطبیق اېتیلیشی توغریسیده افغانستان گه همکارلیک قیلیشی نی سۉره‌گن. اوشبو شرکت گه کۉره، تاجیکستان هم همکارلیکلر دوام اېتیشی حقیده قیزیققن.
کاسا 1000 پروژه‌سی تاجکستان دن افغانستان گه و افغانستان آرقه‌لی ایران گه برق یېتکزیش بیر پروژه دیر. اوشبو پروژه میلادی 2016- ییلده یکونله‌نیشی گه قرار قیلینگن اېدی، بیراق افغانستانده‌گی سیاسی و امنیتی قیینچلیکلر باعث حاضرگچه بو پروژه یکونلنمه‌گن.
