غزه ساغلیق نی سقلش وزیرلیگی‌نینگ ایتیشیچه، اۉتکن 24 ساعت‌ده اسراییل حربیلری‌نینگ هجومی عاقبتیده 195 فلسطین‌لیک اۉلیب و 325 کیشی اېسه یره‌لنگن. ساغلیق رسمیلری گه کۉره، خان یونس‌ده بیر کسلخانه یقیینلیگیده اۉیوشتیریلگن بیر هجومده، 20 کیشی جان بېرگن.
غزه‌ده اوروش باشلنگنیدن بویان حاضرگچه، 21 مینگ و 110 فلسطین‌لیک اۉلیب و 55 مینگ و 243 کیشی اېسه یره‌لنگن.
غزه ساغلیق نی سقلش وزیرلیگی‌نینگ کۉپه‌یتیریشیچه، مذکور 20 کیشی غزه جنوبی، خان یونس منطقه‌سیده‌گی الامل کسلخانه‌سی یقیینلیگیده هلاک اېتیلگن.
عین حالده، باشقه بېش کیشی غزه مرکزی، المغازی منطقه‌سیده اۉیوشتیریلگن هوایی هجومده هلاک اېتیلگن و شونینگدېک 7 کیشی‌نینگ جسدی، غزه شمالیدن الشفا کسلخانه‌سیگه انتقال بېریلگن.
اسراییل حربیلری اېسه هلاک اېتیلگنلر رقمی توغریسیده حاضرگچه فکر بیلدیرمه‌گن. بوندن آلدین اسراییل رسمیلری، غزه ساغلیق نی سقلش وزیرلیگی تامانیدن ترقه‌تیلگن رقملرنینگ قبول قیلمسلیک‌لرینی اَیتیب و هلاک اېتیلگنلر آره‌سیده حماس حربیلری هم بارلیگینی بیلدیرگن اېدی.
اَیتیش کېره‌ک که، اسراییل رسمیلری تامانیدن ترقه‌تیلگن رقملر اساسیده، غزه عملیاتی باشلنگنیدن بویان 166 فلسطین حربیسی هلاک اېتیلگن.
