واشنگتن و پیونگ‌یانگ آره‌سیده‌گی قره‌مه-قرشیلیکلر دوامیده، شمالی کوریا رهبری کیم‌جونگ اون، اۉز مملکتی‌نینگ حربیلری، حربی جهازلر صنعتی و هسته‌ای قورال سکتوریگه، امریکانینگ اۉیله‌مسدن قیلگن حرکتلریگه قرشی اوروش تیارگرلیگی تېزلشتیریش نی بویوردی.
28- دسامبر پنج‌شنبه کونی شمالی کوریا دولتی خبری آژانسی (ک‌سی‌ان‌ای) گزارش بېرگن که، «کیم» ینگی ییل اوچون سیاسی موقف نی انیق‌لش خصوصیده یولگه قویگن ییغینیده بونده‌ی بیانات بېرگن.
شمالی کوریا رهبری گه کۉره، پیونگ‌یانگ غرب گه قرشی اولکه‌لر بیلن ستراتژیک همکارلیکلرینی کېنگه‌یتیریشی ممکن.
مذکور گزارش اساسیده، کیم‌جونگ اون، مردمی کوچلر، حربی جهازلر صنعتی، هسته‌ای قورال و ناحربی مدافعه بولیملری‌نینگ، اوروش تیارگرلیکلری کۉپراق تېزلشتیریلیشی اوچون ایشلرینی بیللی قیلگن.
اَیتیش کېره‌ک که، شمالی کوریا روسیه بیلن علاقه‌لرینی کېنگه‌یتیرگن.
نېچه آی آلدین، اوشبو ایکّی اولکه رهبرلری تورلی بولیم‌لرده کېلیشوونامه‌لر امضا قیلگن اېدی. بو اقدام اېسه شونینگدېک امریکانینگ جدی عکس‌العملی بیلن یوزمه‌یوز بۉلگن اېدی.
