اسلام ترقیات بانکی، افغانستانده تعلیم و ساغلیق بولیم‌لرنی حمایت اېتیش و شونینگدېک آوقت تأمین‌لنیشی توغریسیده یاردم بېرووچی نهادلر بیلن، نېچه پروژه‌نینگ شرطنامه‌سینی امضاله‌گنیدن خبر بېردی.
24.6 میلیون دالر ارزشی بۉلگن اوشبو پروژه‌لر، اسلام ترقیات بانکی باشقرووی آستیده، افغانستان انسان‌دوستلیک امانی صندوغیدن تمویل بۉله‌دی. مذکور صندوق اېسه جاری ییل افغانستان اهالیسی گه یاردم بېریش اوچون ایجاد اېتیلدی.
اۉتکن کون (چهارشنبه 6- جدی) اسلام ترقیات بانکی ایکس صحیفه‌سیده یازیشیچه، پناه‌ایزلاوچیلر ایشلری بۉییچه بیرلشگن ملتلر تشکیلاتی‌نینگ عالی کمیسارلیگی بیلن، 14 میلیون دالر ارزشی گه 3 شرطنامه امضاله‌گن.
اوشبو مقدار مبلغ، تعلیم، ساغلیق و آوقت تأمین‌لنیشی خصوصیده صرف‌لنه‌دی و 240 مینگ کیشی اېسه بوندن فایده‌لنیشی ممکن.
مذکور بانک‌نینگ خبری اساسیده، اوشبو مبلغ نی باشقه قسمی اېسه یاردم بېریش اوچون باله‌لردن حمایت قیلووچی صندوق (یونیسف)، ساغلیق خلق‌ارا تشکیلاتی و ناروی پناه‌ایزلاوچیلر کېنگشی (ان‌آرسی) نینگ اختیاری گه قرار بېریله‌دی.
شونده‌ی بیرحالده، افغانستانده انسان فاجعه جدی‌لشیب کېلماقده و اوشبو مملکت جمعیتیدن یریمی‌دن آرتیغی یاردملرگه محتاج.
اوچا گه کۉره، کیله‌جک میلادی ییلده افغانستانده یاردم یېتکزیش اوچون اوچ میلیارد دالر کېره‌ک.
