ایران‌نینگ کرمان شهریده قدس کوچلری قۉمندانی قاسم سلیمانی اۉلیمی‌نینگ تۉرت ییللیگی‌گه بغیشلنگن مراسم اۉتکزیله‌یاتگن قبرستان یقینیده، ایکّی پارتلش صادر اېتیلدی.
ایران ساغلیق نی سقلش وزیرلیگی‌نینگ معلوماتی اساسیده، مذکور پارتلشلر عاقبتیده 95 کیشی هلاک و 200 دن آرتیق کیشی اېسه یره‌لنگن.
ایران فوق‌العاده وضعیتلر تشکیلاتی سوزلاوچیسی، یره‌دارلردن قطاری‌نینگ ساغلیق احوالینی «آغیر» دېب اعلان قیلدی.
مذکور پارتلش مسوولیتی نی حاضرگچه بیرار گروه یا شخص بۉینیگه آلمه‌گن.
شونده‌ی بیرحالده، ایران دولت هیأتی بوکون پنجشنبه 14- جدی بوتون مملکت بۉیلب عمومی ماتم اعلام قیلدی.
اَیتیش کېره‌ک‌که، اوشبو پارتلشلر ایران ایچکریسی و تشقریسیده کۉپ عکس‌العمل بیلن یوزمه‌یوز بۉلگن.
