ایران‌نینگ کرمان شهریده ایکّی قانلی پارتلش‌دن بیر کون اۉتگنیدن کېین، طالبان تشقی ایشلر وزیرلیگی مذکور پارتلشلرنی قاره‌له‌گن.
14- جدی پنج‌شنبه کونی طالبان تشقی ایشلر وزیرلیگی سوزلاوچیسی عبدالقهار بلخی، ایکس صحیفه‌سیده یازیشیچه، اوشبو گروه کرمان‌ده یوزبېرگن پارتلشلرنی قاره‌له‌یدی.
اونینگ یازیشیچه: «تشقی ایشلر وزیرلیگی ایران‌نینگ کرمان ولایتی‌ده اونلرچه کیشی‌نینگ هلاک و یره‌لنگنی‌گه سبب بۉلگن ایکّی پارتلش نی قاره‌له‌یدی.»
طالبان ایران‌ده یوزبېرگن مذکور پارتلشلرنی قاره‌له‌گن بیرحالده، بو گروه سابق حکومت زمانیده افغانستان تورلی شهرلریده یوزبېرگن یوزلرچه پارتلش و خودکش هجوملرگه مسوول تانیلگن اېدی.
اَیتیش کېره‌ک‌که، ایران‌نینگ کرمان شهریده قدس کوچلری قۉمندانی قاسم سلیمانی اۉلیمی‌نینگ تۉرت ییللیگی‌گه بغیشلنگن مراسم اۉتکزیله‌یاتگن قبرستان یقینیده، ایکّی پارتلش صادر اېتیلدی.
ایران ساغلیق نی سقلش وزیرلیگی‌نینگ معلوماتی اساسیده، مذکور پارتلشلر عاقبتیده 95 کیشی هلاک و 200 دن آرتیق کیشی اېسه یره‌لنگن.
مذکور پارتلش مسوولیتی نی حاضرگچه بیرار گروه یا شخص بۉینیگه آلمه‌گن.
