طالبان سۉزلاوچیسی ذبیح الله مجاهد، روسیه تشقی ایشلر وزیری سرگئی لاوروف نینگ افغانستان‌ده همه شامل حکومت ایجاد اېتیلیشی خصوصیده‌گی طلبی‌گه رد جواب بېریب، طالبان حکومت‌نی همه‌شامل دېب اَیتگن.
طالبان سۉزلاوچیسی، همه شامل حکومت قۉریلیشی کبی موضوع‌لرنی افغانستان‌نینگ ایچکی موضوع‌لری دېب، بو خصوصده تشقی مملکت‌لردن اَره‌لشمس‌لیکلرینی سۉره‌گن.
افغانستان‌ده همه‌شامل بیر حکومت قوریلیشی، دنیا مملکت‌لری نینگ طالبان‌دن بۉلگن طلب‌لریدن بیری دیر و بو طلب انسان حق‌لری اینیقسه عیال‌لر حق‌لری و عصیانچی‌لیککه قرشی کۉره‌ش یانیده، طالبان حکومتی نینگ رسمی تَن آلیش اوچون دنیا نینگ شرط‌لرینی شکل‌لنتیره‌دی.
اَیتیش کېره‌ک که، روسیه تشقی ایشلر وزیری سرگئی لاوروف پنج‌شنبه کونی ۲۸ – جدی اۉتکزگن خبری ییغینیده، طالبان حکومتیدن افغانستان‌نینگ باشقه جریان‌لرینی حکومت‌لریگه قۉشیش‌گه چقیرگن اېدی.
