اۉتکن کون جمعه 29- جدی، بلخ ولایتی میزبان‌لیگیده یۉلگه قۉییلگن اوغلاق بیله‌شو‌ویده، بلخ، جوزجان، فاریاب، سرپل، بغلان، تخار، بدخشان، سمنگان و کندز ولایت‌لریدن ایکی یوزگه یقین اوغلاقچی قتنه‌شیب، نهایتده بلخ‌لیک عبدالصمد پهلوان و بغلان‌لیک دادالله پهلوان اوغلاق‌نی دایره‌گه تشلَه‌ش‌گه موفق بۉلگنلر.
مذکور بیله‌شوونینگ اخیر اوغلاغی‌ده، ۳۰۰ مینگ افغانی، ۱۱ یوز دالر، بیرته تیوه و بیر قالین جایزه قۉییلگن اېکن، بیراق هیچ بیر اوغلاقچی اوشبو اوغلاق‌نی تشله‌ش‌گه موفق بۉلمه‌گن.
اوشبو اۉیین‌نی تماشا قیلیش اوچون 30 مینگ‌گه یقین کیشی قتنشگن اېکن.
ایتیلیشچه، اوشبو اوغلاق بیله‌شووی بوکون هم دوام اېته‌دی و اخیر اوغلاققه بیر موتر جایزه قۉییلگن.
ایسلب اۉتیش کېره‌ک، کیله‌سی حوت آییده افغانستان بۉیلب ولایت‌لر آره‌سیده‌گی اوغلاق بیله‌شووی افغانستان شمالی ولایت‌لریدن بیریده بولیب اۉتیشی ممکن.
