غزه‌ده هجوملر کمه‌یشی و شونینگدېک اوروش‌دن کېین فلسطین نامیده بیر مملکت ایجاد اېتیلیشی توغریسیده‌گی امریکانینگ ایسته‌گی‌گه اسراییل باش‌وزیری بنیامین نتانیاهو، رد جواب بېرگن.
آسوشیتدپرس نینگ گزارشی اساسیده، ینگی‌لیکده امریکا تشقی ایشلر وزیری آنتونی بلینکن‌نینگ ایتیشیچه، فلسطین‌لیکلرنی مستقل‌لیگی اوچون اَدیم کۉتارمسدن، اسراییل هیچ قچان «حقیقی خوفسیزلیک» که یتیشمه‌یدی.
آسوشیتدپرس‌دن نقل قیلینیشیچه، نتانیاهو بیر کنفرانس‌ده جدی آواز بیلن اسراییل غزه‌ده حماس‌نی بوتونلی نابود قیلیش و شونینگدېک اسراییل‌لیک گروگانلرنی قۉییب یوباریلیشی توغریسیده‌گی مقصدی‌گه یتیشمسدن، هجوم‌لرینی تۉختمه‌سلیگی‌نی معلوم قیلگن.
او، اسراییل‌دن تنیقد قیلگن تورلی مملکتلرنینگ بیاناتی‌گه قرشی ایتیشیچه، مقصدگه ایریشیش اوچون آی‌لرچه اوروش قیلیش‌گه تیار دیر.
نتانیاهو نینگ معلوم قیلیشیچه: «بیز مطلق پیروزلیک‌دن باشقه هېچ بیر نرسه‌گه راضی بۉلمه‌یمیز.»
اسراییل باش‌وزیری‌نینگ اوشبو بیاناتی، آق سرای‌نینگ جدی عکس‌العملی بیلن یوزمه‌یوز بۉلگن.
آق سرای‌نینگ ملی خوفسیزلیک کېنگشی سۉزلاوچیسی جان کربی‌نینگ ایتیشیچه: «بیللی‌که بیزلرنینگ تۉشونچه‌میز باشقه‌چه.»
7- اکتوبر حماس گروهی‌نینگ اسراییل‌گه قیلگن هجومی‌دن کېین، اوشبو مملکت غزه‌ده حربی عملیات یۉلگه قۉیدی.
حماس‌نینگ هجومی عاقبتیده بیر مینگ و 200 کیشی جان بېریب و باشقه 250 کیشی اېسه گروگه آلیندی.
غزه ساغلیق نی سقلش رسمی‌لری نینگ ایتیشیچه، اسراییل‌نینگ انتقام آلیش اوچون قیلگن هجومی نتیجه‌سیده، حاضرگچه 25 مینگ‌گه یقین فلسطین‌لیک جان بېرگن.
