اوتکن آقشم، دوشنبه ۹ – دلو، منطقه مملکت‌لری آره‌سیده بۉلگن بیر ییغین کابل میزبان‌لیگیده اۉتکزیلدی.
اوشبو ییغین‌گه اۉزبېکستان، ترکیه، ترکمنستان، قزاقستان، چین، روسیه، ایران، پاکستان، هند، اندونیزیا، قرغیزستان وکیل‌لری و ایلچی‌لری قتنشگن اېدی.
بو ییغین طالبان تشقی ایشلر وزیرلیگی نینگ سرپرستی امیرخان متقی نینگ سۉزلری بیلن آچیلدی. بیراق ییغین قالگنی اېسه یېتکرمه‌لر حضورسیزلیگیده، اۉتکزیلدی.
طالبان تشقی ایشلر وزیرلیگی نینگ سرپرستی امیرخان متقی، ییغین‌دن کېین بۉلگن خبری کنفرانسیده، مذکور ییغین‌گه، منطقه بۉیلب همکارلیک‌لر کوچه‌یشی همده مشترک تهدیدلرگه قرشی بیرلیکده کۉره‌شیلیشی بوییچه بحث اېتیلگن.
طالبان تشقی ایشلر وزیرلیگی سرپرستی‌نینگ ادعا قیلیشیچه، ییغین‌گه اشتراک اېتکن مملکت‌لر وکیل‌لری، جهان‌نینگ طالبان برابریده‌گی ایکی مهم شرط‌لریدن بۉلمیش، برچه شامل حکومت و قیزلرنی تعلیمی خصوصیده هیچ قندی بحث قیلمه‌گن‌لر.
شوندی بیرحالده، طالبان تشقی ایشلر وزیرلیگی نینگ سرپرستی، بو ییغین اشتراکچیلری، بیرلشکن ملتلر تشکیلاتی نینگ دلو آیی یکونی‌گه قدر افغانستان اوچون دوحه شهریده یۉلگه قوییلیشی کوتیلگن ییغینی‌گه افغانستان تکلیف‌لری نظرگه توتیلیشی‌نی اورغوله‌شگنلر.
ایتیش کېره‌ک که اوتکن کون اۉتکزیلگن کابل ییغینی، طالبان نینگ ایکی ییل‌دن کوپراق حاکمیتی دوریده میزبان‌لیک قیلگن ایلک مهم منطقه‌ای ییغین اېدی.
