طالبان‌گه تېگیشلی ارگ نینگ ایکس صحیفه‌سی بیر یازمه بیانات ترقه‌تیب، طالبان باش وزیری نینگ سیاسی اۉرین‌باسری عبدالکبیر و بیرلشکن ملت‌لر تشکیلاتی نینگ افغانستان اوچون مخصوص هماهنگ ایتووچیسی فریدون سینیرلی اوغلو اوچره‌شوودن خبر بېرگن.
مذکور خبرنامه‌گه اساس، فریدون سینیرلی اوغلو طالبان حکومتیدن، خلق‌ارا ایریم قانون‌لرنی نظرگه توتیشلرینی سۉره‌گن.
طالبان‌نی ادعا قیلیشیچه، سینیرلی اوغلو بو اوچره‌شووده حاضر هیچ بیر تامان طالبان حکومتی قوله‌شی آرتیدن اېمس، بلکه بو حکومت دنیا بیلن قوشیلیشی‌نی خواهله‌یدی دیگن.
شونینگدېک، طالبان سینیرلی اوغلودن نقل قیلیب یازیشیچه، بیرلشکن ملت‌لر تشکیلاتی نینگ بو وکیلی تیزآره‌ده خلق‌ارا بانکی افغانستان خصوصیده بیر ییغین اۉتکزیشیدن خبر بېرگن.
بو توغریده ترقه‌تیلگن بیانات‌گه کۉره، خلق‌ارا بانکی نینگ اوشبو ییغینی، افغانستان‌ده بانکی تیزیم رواجلنیشی، افغانستان‌ده یکونلمه‌ی قالگن رواجلنیش لایحه‌لر ایشی قیته باشلنیشی و افغانستان‌گه قرشی اقتصادی تحریم‌لر یکونلنیشی مقصد اۉتکزیله‌دی.
دیمک، طالبان حکومتی حاضرگه قدر دنیا هم‌جمعیتی نینگ هیچ بیر طلب‌نی قانقرلی نظرگه توتمه‌گن.
