قطار انسان حق‌لری فعال‌لریدن شکل‌لنگن بیرلشمه بیر بیانات ترقه‌تیب، بیرلشکن ملت‌لر تشکیلاتی خوفسیزلیک کېنگشی تامانیدن تصدیق‌لنگن قطعنامه اساسیده، افغانستان اوچون تعیین‌لنیشی کوتیلگن، مخصوص وکیل کیم‌لیگی خصوصیده کوپراق دقت اېتیلیشی‌نی سۉره‌گن.
بو بیرلشمه اعضالریدن بیری بۉلمیش فهیم فرواک اۉتمیش‌لرگه افغانستان اوچون بیرلشکن ملت‌لر تشکیلاتی تامانیدن تانیشتیریلگن مخصوص وکیل‌لر افغانستان جماعه‌سیدن یخشی‌لب بیلگی‌لری بۉلمه‌گنی باعث اولرنی ماموریت‌لری یوتوق‌لیککه ایریشمه‌گن دیب بیلدیرگن.
انسان حق‌لری فعال‌لری بیرلشمه‌سی نینگ بو اعضاسینی ایتیشیچه: “بیرلشکن ملت‌لر تشکیلاتی تامانیدن اۉتمیش‌لرگه تانیشتیریلگن مخصوص وکیل‌لرنی کوتارگن آدیم‌لری افغانستان خلقی، جماعه‌سی و جغرافیه‌سیدن بیلگی‌سیزلیکدن کیلیب چیققن اېدی. شو باعث بیرلشکن ملت‌لر تشکیلاتی ینگی مخصوص وکیلی تانیشتیرش خصوصیده کوپراق توجه قره‌تیشی کېره‌ک.”
شونینگدېک انسان حق‌لری فعال‌لری بیرلشمه‌سی، افغانستان کیله‌جگی اوچون بیرلشکن ملت‌لر تشکیلاتی تامانیدن مخصوص وکیل تانیشیریلیشی‌نی اونملی اوقیگن.
دیمک، بیرلشکن ملت‌لر تشکیلاتی خوفسیزلیک کېنگشی تامانیدن قویاش ۱۴۰۲ – ییل جدی آیی‌نینگ ۸ – کونی تصدیق‌لنگن، ۲۷۲۱ رقملی قطعنامه اساسیده افغانستان اوچون مخصوص بیر وکیل تانیشتیریلشی کېره‌ک.
طالبان حکومتی بوندن ایلگری بیرقنچه مراتبه بو وکیل تانیشتیریلیشی خصوصیده قرشی‌لیک کورسه‌تگن.
