اوتکن ایکی کوندن بۉیان، افغانستان نینگ کوپلب ولایت‌لری قار یاغیشی‌گه گواه دیر
دیمک، کوپلب ولایت‌لر و تومن‌لرده کوچلی قار یاغیشی و بوران‌لر صادر بۉلیشی باعث، قتناو یۉل‌لر باغلنگن و حاضرگچه هم بو یۉل‌لردن کوپینچه‌سی باریب-کیلیش یوزیگه آچیلگن اېمس.
طالبان حکومتی نینگ عامه منفعت‌لر وزیرلیگی تامانیدن ترقه‌تیلگن معلومات‌لرگه اساس، کوپلب یۉل‌لر پروان، بامیان، غور، دایکندی و غزنی ولایت‌لریده باغلنگن و حاضرگچه هم آچیلگن اېمس.
بو یۉل‌لر جمله‌سیدن، سالنگ عمومی قتناو یۉلی ایکی کیچه و کوندوزدن بیری قار طفیلی باغلیق دیر و حاضرگه قدر آچیلگنی یۉق.
معلومات‌لرگه اساس، سالنگ‌ده‌گی قار بیر متردن هم آشگن.
شونینگدېک، بامیان ولایتیده حاجیگک، شاطو و قناق کوتل‌لری همده ورس، یکاولنگ و پنجاب تومن‌لریده ایریم یۉل‌لر قار طفیلی یاپیلگن و قچان آچیلیشی معلوم اېمس.
غزنی ولایتیده هم، ناور، اجرستان، مالستان و جاغوری تومنلری یۉل‌لری باغلیق قالماقده و دایکندی ولایتی نینگ هم خدیر و گیتی تومنلری نینگ نیلی شهریده باغلنیش یۉل‌لری باغلیق دیر.
بونگه قوشیمچه، غور ولایتیده هم کابل – غور یۉلی همده بندیکک، شاتیغ و کرمان یۉل‌لری یاپیق دیر.
