اۉزبېکستان‌ده، بوندن کمیده آلتی آی ایلگری، داک – ۱ شربت‌نی اېچیش عاقبتیده ۶۳ باله جان بېرگنی توغریسیده محکمه باشلنگن اېدی.
حاضر بو محکمه‌نینگ یکونلی قراری‌گه اساس، ۲۳ کیشی‌گه قماق جزاسی صادر اېتیلگن.
بو محکمه عاقبتیده قماققه محکوم اېتیلگن کیشی‌لردن کوپینچه‌سی مذکور شربت‌نی هندوستان اولکه‌سیدن اۉزبېکستان‌گه صادر اېتیلیشی بوییچه حصه‌سی بۉلگن همده اونی باله‌لرگه ترقه‌تگن شفاکار و دولت رسمی‌لریدن عبارت دیر.
بو محکوم‌لر جمله‌سیدن بیرته‌سی هندوستان فقراسی، سینگ رگویندرا پراتار ۲۰ ییل‌گه و اۉزبېکستان دارو ایشلب چیقاریش اداره‌سی نینگ سابق باشلیغی سردار کرییف ۱۸ ییل قماققه محکوم اېتیلگن.
اوشبو محکمه قراری‌گه اساس، داک – ۱ شربتیدن فایده‌لنیشی عاقبتیده، جان بېرگن یاده ناگران بۉلگن باله‌لر عایله‌لریگه غرامت تاپشیریلیشی هم کېره‌ک دیر.
