افغانستان‌لیک بیر قنچه عیال‌لر، ۸- مارچ خلق‌ارا خاتین-قیزلر کونیدن ترکیه پایتختی انقره شهریده نشانله‌گن.
ایتیلیشیچه بو خصوصده‌گی ییغین، افغانستان سنا کېنگشی‌نینگ سابق کاتبی راحله دوستم تشبثی بیلن اوتکزیلگن.
دیمک، بو احتفال اشتراکچیلری حاضر افغانستان‌ده عیال‌لر احوالی و اولر قرشی‌سیده‌گی چیکلاولردن خواطر بیلدیرگنلر.
بو ییغین‌ده، افغانستان ملی اسلامی جنبش حزبی نینگ رهبری مارشال عبدالرشید دوستم نینگ قیزی و افغانستان نینگ جمهوریت تیزیمی دوریده‌گی سنا کېنگشی‌نینگ کاتبی راحله دوستم، افغانستان‌نینگ حاضرگی وضعیتیدن قوتقریش اوچون سعی‌وحرکتلر اېتیلیشیدن خبر بېرگن.
شونینگدېک ییغین اشتراکچیلری، کونی کیلیب افغانستان عیاللری نینگ حقلری اوچون دوام اېتە‌یاتکن کوره‌شیشلری نتیجه بیریشیگه امید بیلدیرگنلر.
