طالبان تشقی ایشلر وزیرلیگی نینگ سرپرستی امیرخان متقی، افغانستان بۉییچه، ایران جمهور باشلیغی نینگ مخصوص وکیلی حسن کاظمی قمی بیلن اوچره‌شگن.
طالبان تشقی ایشلر وزیرلیگی تامانیدن ترقه‌تیلگن بیانات‌گه اساس، مذکور اوچره‌شوو بوکون چهارشنبه، ۲۳- حوت، کابلده بۉلیب اۉتگن.
طالبان تشقی ایشلر وزیرلیگی نینگ اعلان قیلیشیچه، بو وزیرلیک سرپرستی و ایران اسلامی جمهوریتی نینگ کابل‌ده‌گی ایلچیسی و بو مملکت جمهور باشلیغی نینگ افغانستان بۉییچه مخصوص وکیلی بیلن ایکله‌سی، طالبان حاکمیتیده بۉلگن افغانستان علاقه‌لری منطقه‌ده یخشی تامان کیتماقده دېب، معلوم قیلگنلر.
ایران ایلچیسی طالبان نینگ منطقه‌ده علاقه‌لرینی یخشی‌لنیشی، منطقه مملکت‌لری فایده‌سیگه دیر دېب بهاله‌گن.
شونینگدېک، طالبان تشقی ایشلر وزیرلیگی نینگ سرپرستی بیلن ایران ایلچیسی، اخیرگی دوحه ییغینی، ایران‌ده‌گی افغانستان‌لیک مهاجرلر قیینچیلیکلری، چابهار بندرگاهی همده افغانستان‌دن ایران نینگ سیستان و بلوچستان ولایتیده قوییب یوباریلگن سوو خصوصیده بحث قیلگن.
