روسیه‌لیک اسپوتنیک یېتکرمە‌سی نینگ گزارش بیریشیچه، بو مملکت پایتختی مسکو شهریده‌گی اخیرگی قورالی هجوم قربان‌لرینی ایسلش مقصد گُل قوییش مراسمی اوتکزیلگن.
اوشبو گزارش‌گه اساس، بو مراسم اۉتگن کون شنبه ۳۰- مارچ، چیت‌ایللیک دیپلومات‌لر و ایلچی‌لر همده روسیه تشقی ایشلر وزیرلیگی نینگ رسمی‌لری و طلبه‌لری حضوریده اوتکزیلگن.
دیمک، مراسمده امریکا قۉشمه ایالتلری، ایران، جنوبی افریقا، اسراییل، اروپالیک مملکت‌لر و شونگه اوخشش باشقه بیرقنچه مملکت‌لر ایلچی‌لری اشتراک اېتگن.
مراسم اشتراکچیلری، قربان‌لر خاطره‌لرینی ایسلب بیر دقیقه سکوت قیلگن.
ایتیش کېرە‌ک که مسکوده‌گی اخیرگی هجوم خلق‌ارا واکنش‌لرگه سبب بۉلگن.
اوشبو هجوم‌نی داعشی گروهی اۉزینی بوینیگه آلگن، بیراق روسیه بو هجوم‌ده اوکراین قۉلی بار دېب ادعا قیلیب کېلماقدە.
