بیرلشکن ملتلر تشکیلاتی نینگ خوفسیزلیک کېنگشی بوکون چهارشنبه، اۉن تۉرتینچی حمل، بیر ییغین اوتکزیب، سوریه‌ده اسراییل تامانیدن ایران مملکتی نینگ قونسول‌گرلیگی اوستیده‌گی هجوم تیکشیریله‌دی.
معلومات‌لرگه اساس، اوشبو ییغین، روسیه مملکتی نینگ طلبی‌گه بناّ اوتکزیلماقده.
ایتیش کېره‌ک که بوندن ایلگری ایران مملکتی، بیرلشکن ملتلر تشکیلاتیدن اسراییل نینگ بو هجوم‌نی قاره‌لشینی خواهله‌گن اېدی.
سوریه‌ده اسراییل تامانیدن ایران دیپلوماتیک نماینده‌لیکلریدن بیرینی اوستیده اویشتیریلگن هوایی هجوم عاقبتیده، ایران مملکتی نینگ ایکی حربی قومندان شامل ۷ حربی‌سی جان بېرگن.
بو واقعه، دنیا بۉیلب واکنش‌لرنی اۉرته‌گه آلیب کېلدی و ایران جمهور باشلیغی ابراهیم رییسی بو هجوم‌نی جواب‌سیز قالدیرمسلیگینی اورغوله‌گن.
