۲۰۲۴-ییل ۱۵-اپریل‌دن کېین پاکستان‌دن افغانستانلیک قاچقین‌لرنی چیقریش ایکینچی باسقیچی باشلنیشی اساسیده بو مملکت ایچکی ایشلر وزیرلیگی نینگ بوندن آلدینگی آگاه‌لنتیریشلری خصوصیده، ACC و POR کارتلری گه ایگه بۉلگن افغانستانلیک قاچقینلردن قطاری پاکستان حکومتی نینگ بو قراری عمل گه آشیریلیشی‌دن خواطر بیلدیرگنلر.
افغانستانلیک قاچقینلردن قطاری نینگ ایتیشلریچه، قاچقین‌لیک و افغان فقراسی کارتی گه ایگه بۉلگن قاچقینلر گه اېرته‌گچه بو مملکت‌دن چیقیشلری طلب قیلینگن.
شونده‌ی بیرحالده، پاکستاندهگی افغانستانلیک قاچقینلر اوشبو مملکت حکومتی آرقه‌لی جبری شکلده چیقریلیش قراری عمل‌گه آشیریلیشی‌دن خواطر بیلدیرماقده‌لر.
مذکور قاچقینلر نینگ ایتیشلریچه، نیچه ییل‌دن بویان پاکستان ده سرمایه یاتقیزیب و بو مملکت‌ده تیریکچیلیک اوچون اۉزلریگه حیات توزه‌تگنلر، بیراق افغانستان گه قیتریلیش بېلن تقدیر‌سیز‌لیککه روپه‌ره بۉلیشلری ممکن.
پاکستان‌ده افغانستانلیک قاچقینلر نماینده‌لری گه کۉره، بو مملکت‌ده ۸۵۰مینگ قاچقین‌لیک کارتی گه ایگه بولگن مهاجر بار و بو پروسه نینگ باشلنیشی اولر نینگ روحی قیین‌چیلیک بېلن روپه‌ره قیلگن.
پاکستان حکومتی ینگی‌لیکده یشش کارتی گه ایگه بولگن قاچقین‌لرنینگ جبری شکلده چیقریلیشی حقیده هېچ نرسه دېمه‌گن بولسه‌ده؛ بیراق پاکستان یېتکرمه‌لریدن بیرقطاری اوشبو مملکت ایچکی ایشلر وزیرلیگیدن نقل قیلیب، جاری ییل ۱۵-اپریل‌ده، ای‌سی‌سی یا که افغان فقراسی کارتی بولگن قاچقینلر نینگ چیقریش ایکّینچی باسقیچی باشلنیش مهلتی یکونلنگنیدن خبر بیرگن.
ایتیش کېره‌ک که، پاکستان‌دن افغانستانلیک قاچقینلر نینگ جبردن چیقریش بیرینچی باسقیچیده بو مملکت‌دن افغانستانلیک ۶۰۰ مینگ ناقانونی قاچقین چیقریلگن.
