طالبان باش وزیری نینگ سیاسی اۉرین‌باسری عبدالکبیر، کابل ده ایران ایلچی‌خانه‌سی اۉرین‌باسری سیدحسن مرتضوی بېلن اوچره‌شیب و صحبت قیلگن.
ارگ نینگ ترقه‌تگن خبرنامه‌سی گه کۉره، مرتضوی کابل و تهران مناسبت‌لری رواجلنیشی گه تاکید‌لب و ایران ده طالبان مخالف‌لری نینگ عادی قاچقین صفتیده حیات کیچیریشی و اولرنینگ سیاسی فعالیتی اوچون رخصت بیریلمسلیگی نی بیان قیلگن.
مذکور اوچره‌شووده عبدالکبیر نینگ ایتیشیچه، طالبان برچه قوشنی‌لر بېلن یخشی مناسبتلرنی ایسته‌یدی.
شونینگدېک طالبان باش وزیری کابل ده ایران ایلچی‌خانه‌سی اۉرین‌باسری بېلن اۉتکزگن صحبت‌لریده، ایران نینگ اسرائیل گه قرشی هجومی نی بو مملکت‌دن دفاع قیلیش برابریده «قانونی حق» دېب عنوان قیلگن.
