افغانستان ژورنالیستلر مرکزی بیر خبرنامه آرقه‌لی طالبان تامانیدن نور و بریا تلویزیون‌لری فعالیتی تۉخته‌تیلگنی و اوشبو ایکّی خصوصی یېتکرمه‌لر ایشیگی یاپیلگنی نی، افغانستان ده‌گی یېتکرمه‌لر قانونی گه ضد بۉلگنی نی بیلدیرگن.
مذکور مرکز، طالبان نینگ بو ایشی نی قاره‌لب و اونینگ ایرکین یېتکرمه‌لر فعالیتی گه کوپراق باسیم کیلتیریش دېگن.
افغانستان ژورنالیستلر مرکزی نینگ ایتیشیچه، یېتکرمه‌لر اۉز مسلکی ایشلری نی بجریش‌ده آزاد بۉلیب و طالبان رسمی‌لری اولر نینگ فعالیتی خصوصیده چیکلاو یره‌تمه‌ی یا که تهدید قیلمسلیگی کېره‌ک.
طالبان اداره‌سیده بۉلگن ملی تلویزیونی، معلومات و مدنیت وزیرلیگی‌دن نقل قیلیب گزارش بیریشیچه، نور و بریا تلویزیون‌لری نینگ دوسیه‌لری محکمه گه یوباریلیب و محکمه قراری‌گچه اوشبو تلویزیون‌لر فعالیتی تۉخته‌‌تیلیشی گه قرار آلینگن.
اوشبو گزارش گه اساس، طالبان معلومات و مدنیت وزیرلیگی گه کۉره، نور تلویزیونی آرقه‌لی خبرچیلیک قاعده‌لری رعایت بۉلمه‌گنی، ملی و اسلامی ارزشلر نظر گه آلینمه‌گنی و قوم، تیل و مذهبی موضوع‌لر کوچه‌یتیریلگنی سبب، بو یېتکرمه فعالیتی توخته‌تیلگن.
ایتیلیشچه، نور خصوصی تلویزیونی افغانستان اسلامی جمعیت حزب رهبری صلاح‌الدین ربانی و بریا خصوصی تلویزیونی اېسه افغانستان اسلامی حزب رهبری گلبدین حکمتیار گه تېگیشلی دیر.
