ترکیه ایچکی ایشلر وزیری علی یرلی‌کایا نینگ اعلام قیلیشیچه، اوشبو مملکت نینگ تۉرت ولایتی‌دن داعش گروهی‌گه همکارلیک قیلیش عیبلاوی بیلن ۳۶ کیشی حبس گه آلینگن.
یرلی‌کایا اۉز ایکس صحیفه‌سیده یازیشیچه، مذکور کیشی‌لر استانبول، ازمیر، قیصری و اسکی شهرده اۉتکزیلگن عملیات جریانیده حبس گه آلینگن.
ترکیه ایچکی ایشلر وزیری گه کۉره، مذکور عملیات جریانیده بیر مقدار ناقانونی قورال بیلن پول قۉلگه کیلگن.
ایتیش کېره‌ک که، ترکیه خوفسیزلیک کوچلری سۉنگی نیچه آی جریانیده مملکت بۉیلب ایکّی‌یوزدن آرتیق کیشی نی داعش گروهی بیلن علاقه‌دارلیک و همکارلیک قیلیش عیبلاوی‌گه حبس گه آلگن دیر.
