قزاقستان باش وزیری نینگ اۉرین باسری سریک ژومانگارین، کابل‌گه بۉلگن سفری جریانیده، طالبان تشقی ایشلر وزیرلیگی نینگ سرپرستی امیرخان متقی بیلن اوچره‌شگن.
طالبان تشقی ایشلر وزیرلیگی تامانیدن بو اوچره‌شوو خصوصیده ترقه‌تیلگن یازمه بیانات‌گه اساس، امیرخان متقی قزاقستان‌دن افغانستان بیلن علاقه‌لرینی تورلی ساحه‌لر اینقسه اقتصادیات و سوداگرلیک مساله‌لری بۉییچه کینگه‌یتیریشینی سۉره‌گن.
امیرخان متقی قزاقستان باش وزیری اۉرین باسری‌دن، بو مملکت افغانستان‌ده کانلر، برقی حکومتدارلیک همده تیمیر یۉل اوستیده سرمایه یاتقیزیش‌نی طلب قیلگن.
شونینگدېک، امیرخان متقی کابل – آستانه آره‌سیده اوچیش‌لر باشلنیشینی هم خواهله‌گن.
طالبان تشقی ایشلر وزیرلیگی نینگ بیاناتی گه کۉره، قزاقستان باش وزیری اۉرین باسری حاضر افغانستان نینگ قزاقستان‌گه بۉلگن صادرات رقمی یقین اۉچ برابر آشگنیگه اشاره قیلیب، بو مملکت افغانستان بیلن علاقه‌لرینی یخشی‌لنتیریش‌گه اولگوره‌دی دېگن.
