روسیه تشقی ایشلر وزیرلیگی نینگ اۉرین باسری میخایبل گالوزین، اۉزبېکستان‌ده اوتکزگن بیر ییغینده، افغانستان‌ده برچه شامل حکومت قوریلیشی کېره‌کلیگینی اورغوله‌شگن.
معلومات‌لرگه کۉره، روسیه تشقی ایشلر وزیرلیگی نینگ اۉرین باسری، طالبان روسیه تامانیدن رسمی تَن آلینیشی، افغانستان‌ده برچه شامل بیر حکومت قوریلیشیگه باغلیق دېب، بیلدیرگن.
روسیه‌لیک بو مقام، اوشبو سۉزلرنی تاشکینت‌ده اۉزبېکستان و روسیه تشقی ایشلر وزیرلیک‌لری آره‌سیده‌گی مصلحت‌لشوو ییغین‌نینگ نوبت‌ده‌گی دوریده تیلگه آلگن.
دیمک، بو اوچره‌شوو روسیه و اۉزبېکستان تشقی سیاست‌لری هماهنگ‌لشتیریلیشی خصوصیده اوتکزیلگن اېکن.
ایتیش کېره‌ک که روسیه و اۉزبېکستان طالبان بیلن یخشی علاقه‌ده بۉلگن مملکتلر جمله‌سیدن دیر.
بیراق بو ایکی مملکت هم حاضرگه قدر طالبان‌نی رسمی تَن آلیش‌گه تیار بۉلمه‌گن.
