طالبان نظارتی آستیده بۉلگن افغانستان احصاییه و معلومات اداره‌سی، قویاش ۱۴۰۲ – ییل جریانیده، افغانستان‌گه کېلگن چیت‌ایللیک فقرالر رقمی خصوصیده معلومات بېردی.
بو اداره تامانیدن ترقه‌تیلگن معلومات‌گه اساس، اوشبو ییل جریانیده افغانستان چېگره‌لری و قونلغه‌لریده، ۲۷ مینگ و ۹۱۴ چیت‌ایل فقراسی نینگ کېلیش-چیقیشی رویخط‌گه آلینگن.
بو معلومات‌نی آرتیق‌لشیچه، اوشبو ییل جریانیده ۶۷۵ عیال شامل ۱۵ مینگ و ۱۵۳ کیشی نینگ افغانستان‌گه کېلیشی همده ۴۹۵ عیال شامل ۱۲ مینگ ۷۶۱ چیت ایل فقراسی نینگ افغانستان‌دن چیقیشی رویخط‌گه آلینگن.
طالبان نینگ بو اداره‌سیگه کۉره، افغانستان‌ده کېلگن چیت‌ایللیک فقرالرنینگ کوپینچه‌سی ایش همده سیاحت اوچون کېلگن اېکن.
