خلقارا چیگره تانیمس ژورنالیستلر تشکیلاتی، اۉچینچی می یېتکرمه‌لر ایرکین‌لیک کونی مناسبتی بیلن بیر گزارش ترقه‌تیب، دنیا بۉیلب یېتکرمه‌لرنی ایرکین‌لیک وضعیتیگه نظر تشله‌گن.
اوشبو تشکیلات تامانیدن ترقه‌تیلگن گزارش‌گه اساس، افغانستان، سوریه و اریتیریا مملکت‌لریدن کیین، یېتکرمه‌لر اوچون اۉچینچی یامان مملکت دیر.
دیمک، بو تشکیلات گزارشی نینگ آرتیق‌لشیچه، افغانستان دنیا بۉیلب یېتکرمه‌لر ایرکین‌لیگی خصوصیده ۱۹.۰۹ امتیازنی اېگه‌لب، ۱۷۸ – اۉرین‌ده قرار تاپگن.
اوشبو تشکیلات اۉزینی گزارشیده، افغانستان‌ده طالبان حاکمیت‌گه قَیتگنی بیلن، یېتکرمه‌لر ایرکین‌لیگی اۉلیمی نینگ قونغیراغی چلینگن دېب اورغوله‌گن.
چونکه بو تشکیلات ایشانچ‌گه کۉره، افغانستان‌ده یېتکرمه‌لر طالبان تامانیدن جدی سانسور اېتیله‌دی و طالبان اۉزلری خواهله‌گن موضوع‌لر یېتکرمه‌لر تامانیدن ترقه‌تیلیشی اوچون یېتکرمه‌لر اوستیده باسیم کېلتیرگن.
