بدخشان‌نینگ درایم تومنی یشاوچیلری طالبان‌گه قرشی ناراضلیک نمایش یۉلگه تشله‌گن.
بدخشان ولایتیدن کېلگن معلومات‌لرگه کۉره بو ولایت درایم اولسواللیگی یشاوچیلریدن طالبان کوچلری تامانیدن بیر کیشی اۉلدیریلگنی همده باشقه اۉچ کیشی یره‌لنگنی اهالینی غضب‌لنتیرگن.
طالبان کوچلری‌نینگ بو قېلمیش‌دن غضب‌لنگن خلق ناراضلیک نمایش یۉلگه قوییب طالبان‌گه قرشی شعار بېرماقدە.
بو ناراضلیک نمایش‌دن اۉزبېک تی‌وی اختیاریده قرار تاپکن ویدیولردن بیریده، اهالی واقعه عاقبتیده جان بېرگن کیشی جسدنی بیرگە‌لریده تاشیماقده.
اولر اۉزبېک تیلیده «جسد یوزینی آچمنگ» دېب، جان بېرگن انسان یوزینی یاپه‌دیلر.
حاضرگه قدر بو واقعه عاقبتیده جان بېرگن کیشی توغریسیده تولیق معلومات یوق، بیراق جسدنی تاشیب تورگن اعتراضچیلر اۉزبېک تیلیده گپ‌له‌یدیلر.
محلی منبع‌لرنی ایتیشیچه، بو واقعه طالبان کوچلری بیلن اهالی آره‌سیده خشخاش ایکیلیشی خصوصیده بولگن قرشی‌لیکدن کیین یوز بېرگن.
منبع‌لرنی آرتیق‌لشیچه، بو واقعه‌‌ده نظام‌الدین ناملی بیر عادی اهالی طالبان تامانیدن اۉلدیریلگن و ینه اۉچ کیشی اېسە یره‌لنگن.
